تفاصيل قانونية حول  الفيزا السياحية للسعودية

تفاصيل قانونية حول  الفيزا السياحية للسعودية.

سياحية ... يعني الناس اللي ملهاش قرايب في السعودية يبعتولهم زيارة مشكلتهم اتحلت في انهم ييجو السعودية في اي وقت ......وكمان المقيمين اللي عايزين يعملو زيارة الأخت / زيارة الأخ / زيارة العم / زيارة الخال أو واحد صاحبك ( كلهم ييجو سياحة دلوقتي )
الموضوع انه رسميا السعودية أصدرت التأشيرات السياحية من السبت 28 سبتمبر 2019 بما يعادل 2000 جنيه فقط وتقدر تعمل عمره بيها ( في أوقات غير المواسم ) او البنات تعمل عمره بدون محرم

- التأشيرة صالحة لمدة سنة كاملة

- مدة الاقامة خلال السنة 90 يوم فقط يعني هتقعد3 شهور فقط

- ممكن تدخل السعودية بفيزا واحدة خلال سنه بس كذا مرة (متعددة)

- رسومها 440 ريال سعودي يعني بالمصري تقريبا 2000 جنيه

- التقديم للتأشيرة من سن 18 و بدون مرافق او محرم للبنات

- ممكن إستخدام التأشيرة السياحية لعمل عمرة دون حج و يمكن للبنات عمل عمرة بدون محرم باستخدام التاشيرة السياحية ( في أوقات غير مواسم الحج ومواسم العمرة المزذدحمة )

- السعوديه مقسمة الدول الى مجموعتين في طريقة الحصول على التأشيرة :

1) مجموعة أ : و دي الدول اللي حتعمل الفيزا الكترونيا من خلال الموقع و النت فقط و دي تشمل دول في امريكا و اسيا و اروبا من الدول المذكوره في القوايم فقط

2) مجموعة ب : و دي باقي الدول غير المشموله في القوايم زي الدول العربيه منها مصر و تونس و الجزائر و المغرب و غيرها و دي حيتم استخراج الفيزا من الممثل الرسمي التابع للسعودية في بلدك زي القنصلية العامة او مكتب معتمد من السعودية زي تساهيل

- يسمح بدخول البنات من دون حجاب و لا يشترط لبس العبايه نهائيا و يتم ارتداء الملابس العاديه بشرط الاحتشام فقط

- مش محتاج كفيل أو قريب في السعودية خالص هنا نهائيا

- كل فرد من اهلك بيقدم طلب خاص بيه و لا يوجد طلبات عائلية

- ممكن النساء التقدم بطلبات التاشيرات السياحية دون محرم

- التقديم مفتوح لكل الديانات عادي

- في حالة تجاوز مدة الاقامة او كسر الفيزا فيه غرامه تقدر ب 100 ريال سعودي عن كل يوم

- الاوراق المطلوبه :

* اثبات مقر الاقامة ( مثلا حجز الفندق من بوكينج ويكون مدفوع أو أقامة وعقد ايجار أحد الأقارب اللي نازل عندهم )

* حجز تذكرة عودة

* إثبات وظيفه في حاله لو عندك شغل او خدمة

* كشف حساب بنكي خاص

*باسبور فيه 6 شهور على الأقل

- الفيزا بتاخد من يوم الى يومين عمل

- شركات الطيران حتعمل check على الفيزا بتاعتك قبل صعودك على الطائرة